Sudan yahagaritse ingendo z’amazi, iz’ikirere n’iz’ubutaka zinjira mu gihugu cyayo

Sangiza abandi

Kubera ikibazo cya Corona Virus kimaze gukwirakwira henshi ku Isi , inama Nkuru ya Gisirikare n’iy’Umutekano muri Sudani yahagaritse ingendo z’uburyo bwose zinjira cyangwa zisohoka mu gihugu.

Mohammad al-Fakki Suleiman, Umuvugizi wa Leta ya Sudani yatangaje ko iki cyemezo yahise gushyirwa mu bikorwa kuva none kuwa kabiri tariki ya 17 Werurwe 2020. Hafunzwe ibyambu byose, n’ibibuga by’indege byose, no kwambukiranya imipka ku butaka. Ibikorwa  by’ubutabazi byonyine kandi nabyo byizweho bikemererwa, nibyo bibasha gusa gukorerwa irengayobora.

Ni icyemezo gifashwe nyuma yo kuba hari Abanyesudani bakomeje kwandura COVID-19, mu gihe uwa mbere yamenyekanyeho muri icyo gihugu ari uwatangajwe ko ayirwaye kuwa 30/01/2020,

Naho kuwa Gatanu tariki ya 13/03/2020, Leta ya Sudani yatangaje ko umuntu wa mbere yapfuye azize Corona Virus ku butaka bw’iki gihugu. Ni umugabo w’imyaka 50, wari warinjiye mu gihugu avuye muri Leta Zunze Ubumwe z’Abarabu.

Leave a Reply

Your email address will not be published. Required fields are marked *