Trump yahagaritse amakoraniro yose y’abantu barenze 10, ubwirinzi buzageza mu kwezi kwa 08/2020

Sangiza abandi

Mu gihe abasaga 4200 bamaze kwandura Covid-19 muri Leta Zunze Ubumwe za Amerika, Perezida Trump yakajije ingamba zo kuyirinda, anasubiramo bimwe mu byemezo n’ingamba zo kuyikumira yari yarafashe mbere.

Kimwe mu bishya byatangajwe na Perezida Donald Trump ni ukuba abantu barenze icumi batemerewe guteranira hamwe, kandi nabo bagaterana birinze bihagije, bategeranye, kandi badakoranaho. Ibi bije bisimbura amabwiriza ya mbere yavuagaga ko abantu barenze 50 batemerewe guteranira hamwe.

Ikindi cyavuzwe na Perezida Donald Trump uyobora Leta Zunze uBumwe za Amerika ni ukuba ingamba z’ubwirinzi zafashwe mu gihugu cye zizakomeza gukazwa aho bizaba ngombwa hose, kandi ngo bikaba bishobora gufata amezi atatu cyangwa ane, kugez am,u kwezi kwa Karindwi n’ukwa Munani uyu mwaka wa 2020.

Abamaze guhitanwa na Coronavirus muri Leta zunze ubumwe za Amerika ni abantu 73. Ingendo z’indege zaragabanyijwe, amazu y’uburiro, utubari n’imyidagaduro byarahagaritswe mu mijyi myinshi y’iki gihugu.

Perezida Trump yatangaje kandi ko ubukungu buzahazaharira, muri iyi minsi yo guhangana n’icyorezo cya Corona Virus. Yari aherutse kandi guca iteka rihagarika ingendo z’indege ziva cyangwa zijya mu bihugu by’u Burayi, n’u Bwongerez ayari yasoneye mbere, yaje kwisubiraho nabwo abuhagarikira inendo z’indege zibuhuza na Leta Zunze Ubumwe za Amerika

Leave a Reply

Your email address will not be published. Required fields are marked *