Burundi: Urukiko rwavuguruje Komisiyo y’Amatora

Sangiza abandi

Urukiko Rurinda Iremezo ry’Itegeko Nshinga muri Repubulika y’u Burundi rwasubije Domisiyani Ndayizeye ku rutonde rw’abamerewe guhatanira umwanya w’Umukuru w’igihugu, nyuma y’aho abyangiwe na Komisiyo y’Igihugu y’Amatora.

Kua 10/03/2020 nibwo Komisiyo y’igihugu y’amatora y’u Burundi yatangaje urutonde rw’abemerewe kuziyamamariza umanya wa Perezida wa Repubulika, mu matora ateganyijwe i Burundi kuwa 20/05/2020.

Mu bari baratanze ibyangombwa byabo mu gihe gikwiye ariko kandidatire zabo ntizemerwe, harimo na Domisiyani Ndayizeye wigeze kuyobora u Burundi hagati y’umwaka wa 2003 na 2005. Komisiyo y’amatora yavugaga ko atujuje bimwe mu bisabwa. We n’abandi batatu bangiwe bahise bajuririra urukiko.

Mu bajuriye uko ari bane, wo Urukiko Rurinda Iremezo ry’Itegeko Nshinga ryakomoreye ni Domisiyani Ndayizeye, kuko rwemeje ko yari yujuje ibisabwa byose ngo kandidatire ye yemerwe.

Abandi babiri  Valentin Kavakure uhagarariye FPN-Imboneza na Anicet Niyonkuru uhagarariye CDP, Urukiko rwanzuye ko batujuje ibisabwa. Naho Jacques Bigirimana uhagarariye FNL yahagaritse ubujurire bwe kuwa 16/03/2020 nyuma yo kubisabwa n’Ishyaka rye.

Domitien Ndayizeye aziyamamaza ahagarariye Urunani Kira-Burundi.

Williams

Leave a Reply

Your email address will not be published. Required fields are marked *