Burundi , Botswana, Sierra Leone, habonetseyo aba mbere barwaye Covid-19

Sangiza abandi

Mu gihe Coronavirus ivugwa mu bihugu 205 ku Isi yose, ibihugu bya Afurika yari itarageramo byari umunani , ariko kuva uyu munsi hasigaye bitanu byonyine, kuko bitatu byagaragayemo abayirwaye.

Kuri uyu wa 31/03/2020, mu gihugu cy’u Burundi hamenyekanye abarwayi babiri ba Covid-19, aba bakaba basuzumiwe ku bitaro bya Bumerec, bakabasangamo Coronavirus, nk’uko byatangajwe na Dr Ndikumana Thadée, Minisitiri w’Ubuzima mu Burundi .

Mu kiganiro abanyamakuru bo mu Burundi baherutse guhabwa Leta ibamenyesha ingamba zihari mu kwirinda no gukumira CORONAVIRUS, bamurikiwe Laboratoire ifite ubuhanga n’ubushobozi buhagije mu gupima uburwayi bwa Covid-19.

Laboratoire ipima Coronavirs mu Burundi

Mu itangazo rya Minisitiri w’Ubuzima mu Burundi, yagaragaje ko abarwayi babiri ba mbere bafite Covid-19 bamenyekanye mu Burundi, bombi ari Abarundi. Umwe ni uherutse gutemberera mu Rwanda (Igihugu kibarirwamo 70 bafite ubu burwayi kugeza ubu), mu gihe undi ari uwatembereye i Dubai (ibarizwa muri United Arabs Emirates, ahari abarwayi 664 ba Covid-19)

Mu gihugu cya Sierra Leone naho haraye habonetse umurwayi wa mbere wa Coronavirus ku butaka bw’iki gihugu, mu gihe muri Botswana naho havugwa abarwayi batatu ba mbere, bafite Covid-19.

Leave a Reply

Your email address will not be published. Required fields are marked *