Gen Ibingira amaze iminsi 21 mu gihome

Hashize iminsi ine Lt Gen Muhire Charles atawe muri yombi, mu gihe hashize indi 21 Gen Ibingira Fred atawe muri yombi.

Nk’uko Umuvugizi w’Ingabo yabitangarije TNT, Gen Ibingira yatawe muri yombi ku itariki ya 07/04/2021 ubwo iperereza ryari rimaze kugaragaza ko hari ubukwe yatashye i Butare mu murenge wa Ngoma, bwo gusaba no gukwa, kandi ari kimwe mu bikorwa bitemewe mu ngamba zo kwirinda Covid19.

Gen Fred Ibingira ni Umugaba w’Ingabo z’Inkeragutabara, mu gihe Gen Muhire we yahoze ari Umugaba w’Ingabo zirwanira mu Kirere.

Lt Gen Muhire yafashwe ubwo yari kumwe n’abantu 33 kuri Pegase Resort i Rebero, ku itariki ya 24/04/2021. Abasivile bari kumwe nabo bo ntibagifunzwe, bamazemo igihe gito bacibwa amande barataha.

Hari abapolisi babiri bakuru batawe muri yombi bazira ko bamenye amakuru ya Gen Ibingira bakamukingira ikibaba, aribo  SSP Karagire Gaton (Ukuriye Polisi mu Karere ka Huye /DPC /Huye) na CSP Muheto Francis (Ukuriye Polisi mu Ntara y’Amajyepfo / RPC/South).

Leave a Reply

Your email address will not be published. Required fields are marked *